I åtte år fram til 2005 kosta ulveflokken på Koppangkjølen lokalsamfunnet og grunneigarane i alt 16 millionar kroner.

– Staten bør betala kostnadene med ulv, er konklusjonen i ein ny rapport.

Les også: Vil gi ulvepenger til skoler

Denne veka la Torstein Storaas ved Høgskolen i Hedmark fram ein rapport om dei skadane som ulveflokken har påført nærmiljøet i Rendalen og Stor-Elvdal kommunar etter at eit ulvepar slo seg ned på Koppangkjølen i 1996.

Innhogg i elgstammen

I åtte år gjorde ulvefamilien store innhogg i elgstammen i området. I dei verste åra tok ulvane 160 elg i året. Det er meir enn det som vart felt under den årlege elgjakta i området, opplyser nettstaden jeger.no.

Det kostar rundt to millionar kroner i året å ha ein ulveflokk. Det er tapte inntekt frå elgjakt og hytteutleige, seier Torstein Storaas til NRK Hedmark og Oppland .

- Vil endra haldningane

Torstein Storaas seier til NRK at det først og fremst er nøkterne østerdølar som har tapt pengar på ulven.

– Hadde dei tent på ulven ville dei ha fått endra haldningane sine, meiner forskaren Storaas, ifølgje NRK.