Det er klubbleiar Helge Larsen, som seier dette. I fleire veker har leiinga ved Karmøy-verftet tinga med bank og reiarlag for å få på plass ny finansiering når fire offshoreskip skal byggjast.

Karmsund Maritime har smekkfulle ordrebøker verdt meir enn to milliardar kroner, men manglar likviditet eller pengar å byggja for. Skroget til neste nybygg ligg ferdig ved eit verft i Polen. Byggearbeidet er nå meir enn eit halvt år forseinka.

Solstad og Singapore

Det er Solstad Offshore i Skudeneshavn, som har tinga neste byggetrinn, eit stort ankerhåndteringsfartøy.

Solstad har tinga to slike og eit reiarlag i Singapore har tinga lo liknande hos Karmsund Maritime Service..

Men i fliere veker nå har dei tilsette venta på ei avklaring. Ingen er hittil permitterte. Så langt har arbeidsstokken på om lag 150 fast tilsette hatt arbeid nok med skipsreparasjonar.

Skipsreparasjon

Men i går ettermiddag sende konsernsjef Margaret Hystad ut ei pressemelding der det mellom anna stod: «Nå blir reparasjonsvirksomheten utsatt for driftsforstyrrelser.

Forsinkelsen skaper dermed driftsmessige problemer for all virksomhet ved KMS, og KMS har hatt og har omfattende dialog med bl. a. rederne og sin bankforbindelse. Dialogen er ikke avsluttet.

KMS vil gi en ny melding i løpet av torsdag formiddag», heiter det i pressemeldinga.

Mange hundre

Klubbleiar Helge Larsen peikar på at situasjonen er alvorleg, ikkje berre for dei 150 tilsette, men også for minst like mange hos verftet sine underleverandørar og hos hos firma der verftet leiger inn personell.

– Stoda er særs vanskeleg på Karmøy ettersom Hydro også vurderar nedstenging av store delar av aluminiumsverket, der fleire hundre kan stå utan arbeid neste år.

SR Bank

Larsen seier vidare at finanskrisa kan slå uvanleg hardt til på Karmøy.

– Men bankane, som får del i hjelpepakka frå det offentlege, må sjølve visa ansvar og tøya seg langt for å kunne redda viktige arbeidsplassar. Bankane, som nyleg har stått særs høgt på banen medan det var godver, kan ikkje stikka av med alle paraplyane når regnet kjem. Det er for feigt, seier klubbleiar Helge Larsen.

Det er SR bank, som er Karmsund Maritime Service sin hovudbank.